Rúbrica

CRITERIO	0	1	2	3
Navegación	A navegación polos contidos do portfoflio é difícil. A maioría das ligazóns non funcionan. A maioría das seccións ou entradas non se mostran.	A navegación polos contidos do portfoflio é confusa. Máis de dúas seccións ou categorías presentan problemas de acceso. Máis de tres ligazóns non funcionan.	A navegación polos contidos do portfoflio é aceptábel. Unha ou dúas seccións / categorías presentan problemas de acceso. As ligazóns funcionan ben en xeral.	A navegación polos contidos do portfoflio é efectiva e fácil. Non hai problemas para acceder ás entradas por categorías. Todas ligazóns funcionan ben.
Estruturación	As entradas non están organizadas en categorías ou etiquetas (diario, dosier).	Unha parte das entradas non están clasificadas en categorías ou etiquetas (diario e dosier).	Todas as entradas están organizadas en categorías ou etiquetas (diario e dosier), pero algunhas parecen mal clasificadas ou organizadas.	Todas as entradas están ben organizadas en categorías ou etiquetas (diario e dosier).
Presentación	A tipografía utilizada non é adecuada. As cores do texto e do fondo tornan difícil a lectura dos contidos.	A tipografía utilizada é adecuada, pero as cores do texto e do fondo tornan difícil a lectura dos contidos.	A tipografía utilizada non é adecuada, pero as cores do texto e do fondo facilitan a lectura dos contidos.	A tipografía utilizada é adecuada e as cores do texto e do fondo facilitan a lectura dos contidos.
Dosier (Actividades na aula)	As entradas publicadas non permiten constatar a realización das actividades presenciais. Non hai entradas categoría “Dosier” ou moi poucas.	As entradas publicadas presentan carencias importantes (non se describen moitas actividades ou a miúdo non se presentan os resultados) pero permiten constatar a realización da maioría das actividades presenciais.	As entradas publicadas permiten constatar a realización da maioría das actividades presenciais e as aprendizaxes realizadas (descrición das actividades e presentación dos resultados).	As entradas publicadas permiten constatar a realización de todas as actividades presenciais e as aprendizaxes realizadas  (descrición das actividades e presentación dos resultados).
Diario (Reflexións sobre os contidos da materia)	As entradas publicadas presentan numerosos erros e non permiten constatar a adquisición das competencias da materia. Non hai entradas na categoría “Diario”	As entradas publicadas presentan algúns erros importantes e non permiten constatar a adquisición de todas as competencias da materia. As reflexións na categoría “Diario” son pobres e ofrecen unha visión limitada do proceso de aprendizaxe..	As entradas publicadas permiten constatar a adquisición de todas as competencias da materia. Porén, as reflexións na categoría “Diario” son pobres e oferecen unha visión limitada do proceso de aprendizaxe.	As entradas publicadas permiten constatar a adquisición de todas as competencias da materia e presentan reflexións abundantes e pertinentes sobre o proceso de aprendizaxe.
Orixinalidade	Os contidos do portofolio carecen de orixinalidade. As ideas son presentadas de maneira única, atractiva e interesante.	Percíbese un esforzo por personalizar os contidos do portfolio. Porén, as ideas non son presentadas de maneira atractiva ou interesante.	Algúns contidos do portofolio chaman a atención do avaliador pola maneira única, atractiva e interesante en que son presentados.	A maioría dos contidos do portofolio chaman a atención do avaliador pola maneira única, atractiva e interesante en que son presentados.
Calidade lingüística	Os textos publicados presentan numerosos erros de ortografía, gramática, puntuación ou estruturación.	Os textos publicados presentan algúns erros graves de ortografía, gramática, puntuación ou estruturación.	Os erros graves de ortografía, gramática, puntuación ou estruturación son puntuais nos textos publicados.	A calidade lingüística dos textos é adecuada para o ámbito educativo. Non se observan erros graves de ortografía, gramática, puntuación ou estruturación.
Responsabilidade coas aprendizaxes	Practicamente todos contidos do portflio (máis de 3 cuartos) foron publicados na semana anterior á avaliación do mesmo.	A maioría (máis da metade) dos contidos do portfolio foron publicados na semana anterior á avaliación do mesmo.	A maioría dos contidos do portfolio foron publicándose conforme avanzaba o proceso de aprendizaxe.	Todos os contidos do portfolio foron publicándose conforme avanzaba o proceso de aprendizaxe.
Participación	O/A estudante non realizou ningún comentario  noutros portfolios da clase.	O/A estudante realizou algún comentario  en  portfolios da clase (menos de 3), pero achega reflexións pertinentes e  persoais ás entradas comentadas. O/A estudante acostuma realizar comentarios nos portfolios de diferentes membros da clase (3 como mínimo) pero en xeral sen valoracións ou achegas importantes, limitándose a aprobar o reprobar as ideas das entradas comentadas.	O/A estudante acostuma realizar comentarios nos portfolios de diferentes membros da clase (3 como mínimo) pero ás veces sen valoracións ou achegas importantes, limitándose a aprobar o reprobar as ideas da entradas comentadas.	O/A estudante acostuma realizar comentarios nos portfolios de diferentes membros da clase (3 como mínimo) con reflexións pertinentes e achegas persoais ás entradas comentadas.